Quen somos
Linguamón - Casa das Linguas
Linguamón - Casa das Linguas é un organismo creado polo goberno da Generalitat de Cataluña que ten como obxectivo a promoción das linguas do mundo como:
• vehículo de comunicación, de civilización e mais de diálogo,
• fonte de desenvolvemento persoal, creatividade humana e como patrimonio da humanidade,
• dereito das persoas e mais das comunidades lingüísticas.
Todas as linguas son importantes e serven para comunicármonos, pensarmos e crearmos novos trebellos e máquinas, expresarmos sentimentos ou resolvermos conflitos a través do diálogo, á marxe do número de persoas que as falen. De feito, para unha comunidade lingüística, a lingua propia é a que pode facer mellor estas funcións.
Traballamos para que se recoñeza o valor de cada lingua, para facilitarmos a súa convivencia e cooperamos con especialistas e mais organizacións que comparten estes obxectivos. Sen esquecermos, nun mundo conectado con Internet, a necesidade de que todas as linguas poidan estar presentes na sociedade da información e mais nas novas tecnoloxías.
Linguamón – Casa das Linguas é un consorcio formado inicialmente pola Generalitat de Cataluña, o Centro UNESCO de Cataluña e mais a Fundación Fórum Universal das Culturas.
