Mávapa ore?
Mávapa ore?
Linguamón – Ñe’ẽnguéra Róga
Linguamón – Ñe’ẽnguéra Róga ha’e peteĩ tenda mba’apoha tetã sãmbyhyha rehegua heñóiva'ekue ary 2005-pe ha ojehe’áva hese Tavarógavusu Katalúña ha Táva Sãmbyhyha Varselóna-pegua. Ore rembiaporã apytépe roguereko romo’aguĩvo mayma tavayguakuérape ñe'ẽnguéra rehegua marandu; tojeiko py’aporãme tekoveatýpe ojeiporúvo mba’eporãita ñe’ẽ oikuave'ẽva; taheñói tavayguakuéra ñe'ãme arandu oñeñangareko haguã opáichagua ñe’ẽnguérare, ha tojeikuaa opaite mba’e ñe’ẽ ha hekohakuéra oikuave’ẽva.
Ambue mba’épe, pytyvorãnguéra ikatupyryvéva rupive, romotenonde apopyrã ñe’ẽnguéra rehegua ikatu haguãicha oiko porãve tavayguakuéra ha opu'ã herekopykuaa tekoveatýpe, ha ko’ã mba’e rupive ikatu haguãicha tembiapokuéra ñe’ẽngueraita rehegua roikuave’ẽva tombohape tekojojarã tekoveatýpe, tojepyso katupyry ha herekopykuaa tetãmegua, ha péicha avei topu’ã tekoveaty ha taiporãve tavayguakuéra mba’apoha.
Linguamón – Ñe’ẽnguéra Róga oipytyvõse Katalúña ha’e haguã peteĩ techaukaha ñe’ẽngueraita ñeipysyrõme opaite tetãnguéra renondépe ha mba’e pyahu ko'agãgua jeiporúpe.
¿Mba’e rojapo?
Linguamón – Ñe’ẽnguéra Róga omba’apo mbohapy tembikuaarekaha tuichávape.
1. Ñe’ẽngueraita ha tekoveaty
Pa'ũ oikuaaukáva ñe’ẽnguéra ha ombohapéva oñemomba'eguasu haguã opáichagua ñe’ẽnguéra arapypegua tavaygua kuña ha kuimba’ekuéra apytépe.
2. Ñe’ẽngueraita ha pytyvorã jeiporavopyre
Pytyvorã jejapo, tembiapo ha purupyrã osẽva ikatupyry poravopyrévape g̃uarã, tenda tembikuaarekaha ha mba’apohakuérape, oikuaauka haguã ñe’ẽngueraita.
3. Ñe’ẽngueraita ha ambue tetãnguérandi jupyty
Romoheñói tendakuéra omba’apótava oñondive ha roipytyvõ ambue aty mba'apohakuéra oĩva ambue tetãre oikuaaukáva ñe’ẽnguéra opaichaguáva, ñe’ẽnguéra ha ñe’ẽngueraita rehegua tembiaporã.
Tembiapokue jehaipyre
Memòria 2009 (disponible en català)
Memòria 2008 (disponible en català)
Memòria 2007 (disponible en català)
Memòria 2006 (disponible en català)
Tenda pyahu 22@ Varselona-pe
Ary 2012-pe, tenda mba'eapoha ymaguare Kan Rikart-pegua, oĩva 22@, Poblenou-pe, ojeiporúta Linguamón – Ñe’ẽnguéra Róga renda teéramo.
Ñe’ẽnguéra Róga ha’éta peteĩ arandukuaa renda tee ha ijojaha’ỹva omongu'étava hembiapo ñe’ẽnguéra ñeipysyrõ, jeiporu ha ñemombarete rehegua. Ha’éta peteĩ tenda oñemongu’eha tembiaporã arandukuaa rehegua maymavépe guarã, peteĩ tenda pyahu heñoiha kuaapyeta ha tembiapo pyahu hetáichagua mba’apoharakuéra katupyrýpe guarã, oñemoarandusevéva peteĩ tekoveaty opaichaguáva reheguápe ha omomba’evéva ñe’ẽngueraita.
Oguerekóta 7000 m² omba’apótava ñe’ẽnguérare, peteĩ tavusu arandu renda ha arandukuaa myakãha mbytépe, ojoajúva tekoveaty ha iñe’ẽnguérare, maymáva tapichakuéra, ikatupyryvéva ha umi tendakuéra omba’apo ha omyakãva apopyrã ñe’ẽngueraita rehegua ha oikuaaukáva mba’eporãita opáichagua ñe’ẽnguéra rehegua.
Ñe’ẽnguéra Róga renda tavusu aporeko pyahu 22@ ryepype omombaretéta, avei, hembiapo tembiporu pyahu rechaukaháramo ojeiporútava ñe’ẽnguéra rehe.
