Oseaníape oñeñe’ê haimete 1000 ñe’ê, ha iñemohendáre oje’e noiporâiha. Ñambojoparáta mbohapy tendápente:

• ñe’ênguéra austronésika,
• ñe’ênguéra ndaha’éiva austronésika Papúa Nuéva Guineapegua,
• ñe’ênguéra Australiapegua.

Oî he’íva tetâ ambuégui ováva ouha Áfrikagui ha oguahêha Papúa ñu ha Austráliape. Upégui, oî ñe’êpapára omoîséva ñe’ê australiána rogaygua ha ambue indo-pasíhika, ápe oike avei tasmánio, opámava, ha ñe’ênguéra andamanésava.

Ñe’ênguéra austronésika, oñembyeja’óva aty malanésio, polinésio ha mikronésio, iñasâi mbareteve Polinésia, Mikronésia, Melanésia ha Nuéva selándare. Jajuhu techapyrâ Paskua ñu (rrapanúi) guive térâ Haguái (haguaiáno) Nuéva Selánda (maori) peve. Malgáche, ñe’ê oñeñe’êva Madagaskárpe, oike avei austronésika rogayguápe.

Iñemohendápe jahecha mba’éicha oike mberekatu mayma ñu ojeiko’ÿháme. Ñe’ênguéra austronésika ojojoguaha ojehecha ypyva’ekue kapitâ Kook oguahê ypýrô.

Ñe’ênguéra ndaha’éiva austronésika Papúa Nuéva Guinéapegua ojeikuaa’ígueteri. Jepe oî ñe’êpapára ombojoykéva tasmánio ha ñe’ênguéra andamanésa ndive, oî he’íva ndojojoguaiha mba’everâ. Ko atýpe oike kâte, ñe’ê língua fránka oipurúva heta aty iñasâi mboyve tok písin, ha dáni, ojeikuaáva arapýpe oguerekoha mokôimi ñe’ê sa’ykuéra he’i hagua.

Australiapegua ñe’ênguéra, oîva haimete 750 ñe’ê oñeñe’êva upe ñúme europaguakuéra oguahêvo, ko árape oî haimete 200, ha heta mbovymíntema oñe’êva.

Jepe ko’â mba’e, Oseaníape ikangyve pytagua ojaitypóva upépe ñe’êgui ha oiko ichugui arapýpe tenda ogue hetaveha ñe’êtee. Samoáno, Samóa ñe’êpavê, oñe’êva amo 130.000 mbya, Samóa, ha’e opytáva sa’imi.

Peteî mba’e ojehecharamóva ha’e ñe’ê hérava veach-la-mar, ingle, franse, karaiñe’ê ha ñe’êtee jopara jehe’a guasu. Ko ñe’ê ojeipuru franse rendaguépe Pasíhiko jerére ha oguereko ñe’êngueryru ha ñe’êporâ.

Franse ha ingle ojeipuru ñe’êpavêrô haimete opa tetâ Oseaniaguápe. Ñamboykérô Vanuatu, iñe’êpavêva ingle, franse ha visláma, ha Nuéva Kaledónia térâ Polinésia Fransésa, ñe’êpavêrô oipurúva franse, ñe’êpavê ojeipurúva hetaiterei Oseanía retânguérape ha’e ingle.
Hapone, chíno ha índi oñemoinge avei heta hendápe Oseanía ryepýpe, upéicha Haguái, oñeñe’êhámegueteri chíno ha hapone, térâ Híji ñúme oîguetereihápe oñe’êva índi.

Ñe’ênguéra Papúa Nuéva Guineapegua, tetâ hetave iñe’êmbo’e ñasâiva arapýpe, tok písin ñemoî ñe’êpavêrô rupi ñe’ê upepegua ikangy ha ikatu ogue.

Oîmimi ñe’ê osêva Oseaniapegua ñe’êgui ingle omoasâi rupi. Âva apytépe ñamoîkuaa ukeléle (haguaiáno), tavu ha tatuáhe (tónga) ha kígui (maorí). Ñe’ê australianaguágui oguahê ñandéve vumeran, ha’éva ijypyetépe peteî tekoatytee réra, ha avei peteî teî mymba réra díngo, koála ha kangúro.