Jekuaaukarã

Peteĩva Jejapo porã jeikuaauka rape mba´eguasuvéva ha´e togue sãmbyhyha Jejapo porãnguéra  ñe´ẽitápe.

Ñepytyvõ jekuaaukarã rupive ojehupytyse mbo´ehaokuéra, jerekokuaahakuéra ha atyvetekuéra ojapyhy ha omoneĩ haguã jejapo porãnguéra. Ojehupyty haguã ojepurúta ko´ã mba´e:

• Oñemoheñóiva´erã peteĩ apytu´ũroky pyahu ikatu haĝuáicha oñemomba´e jejapo porãre tembiaporã jehe´a opaichagua rupive: tojehechauka atyha rupi tembiaporã opaichagua rupive, ñe´ẽ arandukuéra ñembohysýi, toñepytyvõ oñemohendakuaa haguã umi pa´ũ oikotahápe ñe´ẽjovake ha oñehendukakuaa haguã opavave, tojejapo marandupy tembirechaukarã, toipytyvõ marandumyasãihárakuéra, ha ambue.

• Tojehai ha tojekuaauka marandu ohechaukáva mba´éichapa oikove ñe´ẽnguéra ha tojejapo apopyrã pyahu ha toje´e mba´éichapa ikatu ojejapo porãve.

• Oñemombareteva´erã iporã haĝuáicha jejapo porãnguéra ojehechaukávo atyha rupi: toñeme´ẽ jopói ha toñeipytyvõ ambue aty mba´aporãnguéra tomomba´e guasu jejapo porã ñe´ẽngueraitápe ojeporavo ha oñeme´ẽ haguã jopóikuéra.

• Toñepytyvõ mbarete ojejapo haguã mba´ejepururã mbo´erekokuaa reheguakuéra opáichaguape guarã, mba´ejepururã omombareteva´erã ñemboaje ojuavýva ñandeheguípe, ñe´ẽngueraitáre ñemba´apo ha tojepuru jejapo porãnguéra. 

• Toñemoneĩ mba´eichaitépa oñemba´apóta umi aty mba´aporã mburuvichandigua, tavaygua aty mba´éva ñomoirũnguéra oñemboguata haguã jejapo porãnguéra.