Comitat Scientific

Eth passat 11 de junshèga de 2006, jos era presidéncia deth Plan Aunorable Sénher Pasqual Maragall, alavetz president dera Generalitat de Catalonha, Linguamón – Casa de les Llengües constituïc eth sòn Comitat Scientific Internacionau. Eth comitat qu’ei compausat per un grop d’expèrts conegudi internacionauments, qu’era sua tòca ei er assessorament de contenguts, era aportacion scientifica e era difusion dera iniciativa. 

Eth comitat qu’ei presidit peth prestigiós lingüista gallés David Crystal, que hec un parlament sus era importància dera vitalitat des lengües, e format per expèrts en diuèrsi airaus de coneishement coma era lingüistica, era sociologia o era economia.

 

Es membres són ess següenti:

 

President. David Crystal, País de Galles. Autoritat de referéncia en lingüistica. Escrivan, editor, professor, shivalièr dera Orde der Empèri Britanic dempús de 1995. Se hec a conéisher especiaumentgs gràcies ath sòn trabalh d’investigacion sus es estudis dera lengua anglesa, e tanben sus era prosodia e era estilistica e sus era aplicacion dera lingüistica en contèxtes religiosi, educatius e clinics, concrètaments en desvolopament d’un grop de tecniques d’idenficacion lingüistica damb fins diagnostiques e terapeutiques. Ué eth dia qu’aucupe ua cagira d’aunor de lingüistica ena Universitat de Galles (Bangor) e president dera National Literacy Association (Associacion Nacionau pera Alfabetizacion) deth Reiaume Unit, entre d’autes aucupacions.

Peter Austin, Austràlia. Lingüista e director deth Programa Academic sus Lengües Miaçades. Professor dera School of Oriental and African Studies dera Universitat de Londra. Expèrt en lengües australianes.
 
Colin Baker,  País de Galles. Professor dera Universitat de Gal•les, Bangor. Expèrt en educacion e bilingüisme.
 
Ayo Bamgbose, Nigeria. Lingüista africanista e professor emerit dera Universitat d'Ibadan. Expèrt en lengües africanes e en politica lingüistica.
 
Jean Claude Corbeil, Quebèc. Doctor en lingüistica pera Universitat d'Estrasborg; exdirector deth Burèu dera Lengua Francesa deth Quebèc, e assessor deth Govèrn quebequés en politica lingüistica. 
 
M. Carmen Garmendia, País Basque. Exconselhèra de Cultura i exviceconselhèra de Politica Lingüistica deth Govèrn basque.
 
François Grin, Soïssa. Qu’aucupe era cagira d’economia dera Universitat dera Universitat de Genèva e especialista en lengua, formacion e economia.
 
Monica Heller, Canadà. Sociolingüista e professora dera Universitat de Toronto. Expèrta en immigracion.
 
M. Carme Junyent, Catalonha. Professora de lingüistica generau dera Universitat de Barcelona, actuau presidenta deth Grop d’Estudis de Lengües Miaçades (GELA).
 
Luis Enrique López, Bolívia. Professor dera Universidad Mayor de San Simón, de Cochabamba, e assessor principau deth Programa de Formacion en Educacion Interculturau Bilingüe entàs païsi andins.
 
Guillem López Casasnovas, Menòrca. Economista e conseller deth Banc d'Espanha. Qu’aucupe era cagira d’economia dera Universitat Pompeu Fabra. 
 
Isidor Marí, Eivissa, Espanha. Sociolingüista. Director des Estudis d'Umanitats dera Universitat Dubèrta de Catalonha (UOC). Expèrt en politica e planificacion lingüistiques.
 
Marianne Mithun, Estats Units d'America. Professora de la Universitat de Califòrnia de Santa Bàrbara. Cercaira de lengües minoritàries d’America deth Nòrd.
 
Juan Carlos Moreno, Madrid, Espanha. Qu’aucupe era cagira de lingüistica generau dera Universitat Autonòma de Madrid, e ei autor de fòrça estudis sus es lengües deth mon e sus era diuersitat lingüistica.
 
Peter Mühlhäusler, Austràlia. Professor de lingüistica ena Universitat d’Adelaida e membre supernumerari deth Linacre College, Oxfòrd. Qu’ei especializat en planificacion lingüistica, ecolingüistica, lengües creòles e en comunicacion intercultural.  
 
Òscar Pujol, Catalonha. Doctor en sanscrit pera Banaras Hindu University. Director de programes educatius dera Casa Asia de Barcelona. 

Xavier Sala i Martín, Catalonha. Economista de prestigi internacionau e professor d'economia dera Universitat de Colómbia e professor visitant d’economia ena Universitat Pompeu Fabra. 
 
Joe Sheils, Reiaume Unit. Membre deth Conselh d’Euròpa. Cap der airau de Politica Lingüistica deth Conselh d’Euròpa. Expèrt en educacion. 
 
Jesús Tuson, Valéncia, Espanha. Professor de lingüistica generau ena Universitat de Barcelona. Autor de diuèrsi libes sus lingüistica e de vulgarizacion sus diuersitat lingüistica.
 
Llorenç Valverde, Malhòrca, Espanha. Qu’aucupe era cagira de sciéncies dera computacion e intelligéncia artificiau, e que n’ei er actuau vicerector de tecnologies, dera Universitat Dubèrta de Catalonha (UOC). Expert en tecnologies dera informacion e era comunicacion.
 
Colin Williams, País de Galles. Sociolingüista. Professor dera Universitat de Cardiff. Expèrt en sciéncies sociaus, geografia umana e planificacion lingüística.