Qui èm
Linguamón – Casa des Lengües
Linguamón – Casa des Lengües ei un organisme creat peth govèrn dera Generalitat de Catalonha qu’a coma objectiu era promocion des lengües deth mon coma:
• veïcul de comunicacion, de civilizacion e de dialòg,
• hònt de desvolopament personau, creativitat umana e coma patrimòni dera umanitat,
• dret des persones e des comunautats lingüistiques.
Totes es lengües son importantes e servissen entà comunicar, pensar e crear airines e maquines, exprimir sentiments o resòler conflictes a trauès deth dialòg, a despart deth nombre de persones que les parlen. Fin finau, tà ua comunautat lingüistica, era lengua pròpria ei aquera que pòt hèr melhor aqueres foncions.
Trabalham entara arreconeishença dera valor de cada lengua, entà facilitar-ne era convivéncia e cooperam damb especialistes e organizacions que compartissen aqueri objectius. Sense desbrembar, laguens un mon connectat a internet, era necessitat que totes es lengües poguen èster presentes ena societat dera informacion e enes naues tecnologies.
Linguamón – Casa des Lengües ei un consòrci format iniciauments pera Generalitat de Catalonha, eth Centre Unesco de Catalonha e era Fondacion Fòrum Universal de les Cultures.
