Multilingüisme e ciberespaci

Laguens d’un mon cada viatge mès interconnectat cau dar as lengües airines modèrnes tà que poguen víuer enes madeishes condicions. E es tecnologies dera informacion e era comunicacion (TIC) son ué es estruments de besonh entad aqueth objectiu. 

A maugrat dera importància arreconeguda des TIC coma mejan de desvolopament, era majoritat des apuprès 6.000 lengües deth món encara non participen bric des progrèssi tecnologics. Aquerò signifique donques qu’es sòns locutors tanpòc non gaudissen de cap des possibilitats des TIC. 

Linguamón - Casa des Lengües vò hèr a conéisher era realitat des lengües per internet damb eth mejan deth seguiment dera preséncia que i an,  e vò contribuir a redusir es uets en aqueri encastres damb ajudes e airines utiles entà diuèrses lengües ath madeish temps, coma per exemple eth Vocabulari multilingüe digitau, o ben en tot aufrir informacion sus d’autes airines ja existentes a trauès deth oèth en espaci aperat Portau tecnologic.

Que vam tanben a collaborar damb institucions culturaus e politiques –entitats essenciaus entath mantiement dera sostenibilitat lingüistica– tà qu’establisquen accions concrètes tath desvolopament des lengües. Ath madeish temps, collaboram damb  entrepreses laguens der encastre deth Global Compact, iniciativa des Nacions Unides, tà que respècter era diuersitat lingüistica e actuen a favor des lengües coma responsabilitat sociau corporativa que tanben an.