Bones practiques

Linguamón – Casa de les Llengües met en foncionament Linguamón Bones Practiques en Multilingüisme, un servici dubèrt a totes es comunitats lingüistiques entà promòir es lengües deth mon d’ua manèra egalitària e equitativa. 

Linguamón Bones Pràctiques vò contribuïr d’ua manèra activa e positiva ara sostenibilitat des lengües, e entà hè’c que dirigís era sua activitat de cap ara promocion e era difusion de bones practiques de gestion deth multinlingüisme e dera diuersitat lingüistica que se son aplicades damb boni resultats en diferentes comunitats lingüistiques. 

Linguamón Bones Practiques que vò tanben dar assessorament, a trauès d’informes e arrecomanacions, as institucions (govèrns, entitats, entrepreses) que vòlen hèr a cambiar era gestion des lengües tà adoptar critèris de respècte dera diuersitat lingüistica. 

Linguamón Bones Practiques s’adrece:

• As institucions governamentaus e non-governamentaus que vòlen adoptar critèris de sostenibilitat e de respècte dera diuersitat lingüistica.   

• As institucions governamentaus que vòlen contribuïr ara preservacion dera diuersitat lingüistica ath laguens deth sòn territòri.  

• As entitats, associacions e entrepreses que vòlen modificar es normes d’usatge lingüistic o hèr-ne ua arrevision.  

• As professionaus dera gestion e dera planificacion lingüistiques, der ensenhament de lengües, as especialistes en lingüistica aplicada, en sociolingüistica... 

• Ath public generau.