Imerzuten iseftiyen deg igar n ilsan qqaren qa âlayen llan 6.000 n ilsan deg umadal. Maca mtarcen deg umadal, ur mmewd’an nican.

Mkul amenzaw dag-es 32 di miya n ilsan ifriqiyen d wuasyawiyen, 15 di miya n ilsan illan deg umenz'aw amirikan, 18 di miya n ilsan n umadal illan deg Yill Apasifik, 3 di miya n ilsan n umadal illan deg umenz'aw n Urupa.

 Azgen n ilsan umadal aqqa-ten munen di 8 iwanaken: Papwa - Ghiniya Tamaynut (832), Indunisya (731), Nijirya (515), Lhind (400), Lmiksik (295), Kamirun (286), Ustralya (268) d Brazil (234).

Waxxa llan att’as n ilsan, waxxa ilsan-a ixessa ad twah’d’an, drus zeg-sen ig llan mlih’. Tumadelt (globalisation) imken ad tesâan iwdan ad semh’en deg ilsan nsen, imken âawed ad tessken deghya i ddunit ilsan itemâayacen di tmurt-a.

Mammec teqqar UNESCO, âlayen 50 di miya n 6.000 n ilsan n umadal i llan aqqa-ten x ubrid ad mten. 96 di miya n ilsan-a ssawalen-ten ghir 4 di miya n imezdagh umadal. Ktar zi 90 di miya n min dag-es di intirnit h’ewssen-t 12 n ilsan