Tilalin iknan

Linguamón - Taddar n Ilsan , tarz’em tiwwura n Ummas Ageraghlan n Tlalin Iknan (Centre International des meilleures pratiques, CIMP). Ijj n sserbis irz’em i marra tighiwanin tilsawanin h’uma ad ismel ilsan umadal s tagadda d umquddi.

Tiwalin n Ummas Ageraghlan n Tlalin Iknan n Usefti Ilsawan d:

• Tarzut x termitin ig inejh’en deg usuggur n usefti ilsawan.
• Asmel n usalel ilsawan s uskani n tlanin iknan.
• Amâawan ak tsuda (tinbad’in,tiqwirin ,timesmunin) ixsen ad bedlent asuggur i teggent i yelsan h’uma ad d’efrent ijj n ubrid uweqqar i wsefti n ilsan.
• Asehwen n wemâawan jar tisuda  n  tmura marra deg igar n ilsan
• Awad’ ghar  lxedmet n tiwiza  jar isadriwen/in i ssnen deg usuggur n ilsan
• Askani n termit takatalant deg igar n weh’yi n iles n tyemmat    

Min teâna tlalit iknan ? 

Talalit iknan d ijjt n tt’ariqa deg usuggur n usefti n ilsan txes ad ttawed’ ghar ijj n usilegh d ijj ubeddel d imeqranen i wmeddur n iles.

Tilalin iknan ixessa-sent ad ssumrent tighura d timaynutin n lxedmet, maca ixessa-sent am nneghni ad nnament aked tefraz n tghiwanin tilsawanin, ad wcent jjhed i tghiwanin-a s  ucrak ighernawen d tmesmunin n tmurt.

Min ked ixeddem Ummas Ageraghlan n Tlalin Iknan n Usefti Ilsawan ? 

• Ak tsuda iteh’kamen d tinni ur iteh’kimen ixsen ad ssegment  isefran n usalel  d uweqqar i wsefti ilsawan. 
• Ak tsuda iteh’kamen ixsen ad awd’ent ad  h’d’ant  titt’ant tilsawant di tmurt nsent. 
• Ak teqwirin d tmesmunin d tir’misin ixsen ad beddlent  tignutin n usexdem n iles. 
• Ak isadriwen deg usuggur d usghiwes ilsawan, deg uselmed n ilsan, ak imuzzag di telsawant.tamesnust/aplicada, d tasusyulujit  tilsawant. 
• Ak iwdan marra.